கோயம்புத்தூர் மற்றும் மதுரை நகரங்களுக்கு மெட்ரோ ரயில் திட்டங்களை மீண்டும் செயல்படுத்தக் கோரி தமிழக அரசு மத்திய அரசிடம் மீண்டும் கோரிக்கை வைத்துள்ளது. இதற்காக முதலமைச்சர் மு.க. ஸ்டாலின் பிரதமர் நரேந்திர மோடிக்கு கடிதம் எழுதியுள்ளதாக உயர் அதிகாரி ஒருவர் தெரிவித்தார்.
முன்னதாக நிராகரிக்கப்பட்ட மெட்ரோ திட்டங்களை மறுபரிசீலனை செய்யுமாறு கேட்டுள்ள தமிழக அரசு, பயணிகள் தேவை குறைவாக உள்ளது என்ற மத்திய அரசின் மதிப்பீட்டை மறுக்கும் வகையில், கூடுதல் தரவுகள் மற்றும் விளக்கங்களுடன் தனது கோரிக்கையை மீண்டும் சமர்ப்பிக்க உள்ளது.
மத்திய அரசின் முக்கியமான ஆட்சேபனை, கோவை மற்றும் மதுரை நகரங்களில் மெட்ரோ ரயிலுக்குத் தேவையான அளவில் பயணிகள் தேவை இல்லை என்பதே. சென்னை மெட்ரோ வட்டாரங்களும் இதையே சுட்டிக்காட்டியுள்ளன.
ஆனால், தமிழக அரசு வட்டாரங்கள் இதற்கு மாறாக, “கோவை மற்றும் மதுரை வேகமாக வளர்ந்து வரும் தொழில் மற்றும் கல்வி நகரங்கள். பொருளாதார வளர்ச்சி, மக்கள் தொகை உயர்வு ஆகியவற்றை கருத்தில் கொண்டு, மெட்ரோ ரயில் ஏன் அவசியம் என்பதை விரிவான தரவுகளுடன் நிரூபித்துள்ளோம்” எனத் தெரிவித்துள்ளன.
மத்திய வீட்டுவசதி மற்றும் நகர்ப்புற விவகாரங்கள் அமைச்சகம், 2017 மெட்ரோ ரயில் கொள்கைக்கு ஏற்ப இல்லை எனக் கூறி, கோவை மற்றும் மதுரை மெட்ரோ திட்டங்களுக்கான விரிவான திட்ட அறிக்கைகளை (DPR) தமிழக அரசிடம் திருப்பி அனுப்பியது.
அந்த நிராகரிப்பில்,
கோவை மெட்ரோ திட்டத்தில் நாளொன்றுக்கு 5.9 லட்சம் பயணிகள் இருப்பார்கள் என்ற கணிப்பை மத்திய அமைச்சகம் கேள்விக்குள்ளாக்கியது. இந்த எண்ணிக்கை, சென்னை மெட்ரோ முதல் கட்டத்தில் பதிவான பயணிகளைக் காட்டிலும் அதிகமாக இருப்பதாகவும் கூறப்பட்டது.
மேலும்,
போன்றவை மக்களை மெட்ரோவுக்கு மாற்றுவதில் தடையாக இருக்கும் என அமைச்சகம் தெரிவித்தது.
மதுரையிலும் இதேபோன்ற மதிப்பீடு செய்யப்பட்டதாக மத்திய அரசு தெரிவித்தது. அங்கு மெட்ரோ ரயிலுக்கு மாற்றாக, விரைவு பேருந்து போக்குவரத்து அமைப்பு (BRTS) தான் பொருத்தமான தீர்வு என மாநில அரசால் அங்கீகரிக்கப்பட்ட விரிவான போக்குவரத்து திட்டம் கூறுவதாக அமைச்சகம் விளக்கமளித்தது.
மக்கள் தொகை வரம்பை மதுரை எட்டாத நிலையில், குறைந்த செலவில் விரிவாக்கக்கூடிய வலுவான பேருந்து வலையமைப்பு போன்ற மாற்று போக்குவரத்து முறைகள் சிறந்தவை என மத்திய அரசு வாதிட்டது.
2011 மக்கள்தொகை கணக்கெடுப்பின்படி,
என மத்திய அரசு குறிப்பிட்டுள்ளது. 2017 மெட்ரோ ரயில் கொள்கையின்படி, மெட்ரோ திட்டம் தொடங்க நகர மக்கள் தொகை குறைந்தபட்சம் 20 லட்சம் இருக்க வேண்டும் என்பதே முக்கிய காரணமாக முன்வைக்கப்பட்டது.
“மெட்ரோ திட்டங்கள் அதிக செலவு கொண்டவை. நீண்டகால நிலைத்தன்மையை கருத்தில் கொண்டு கவனமாகத் திட்டமிட வேண்டும். இந்த நகரங்களுக்கு மலிவு விலையிலான வலுவான பேருந்து சேவை மற்றும் BRTS போன்ற மாற்று நகர்ப்புற போக்குவரத்து அமைப்புகள் பொருத்தமானவை” என மத்திய அரசின் அறிக்கையில் கூறப்பட்டுள்ளது.
மத்திய அரசின் பரிந்துரைகள் இருந்தாலும், கோவை மற்றும் மதுரை மெட்ரோ திட்டங்களை செயல்படுத்த தமிழக அரசு உறுதியாக உள்ளது. “எப்படியும் எங்கள் தரப்பை நியாயப்படுத்துவோம்” என மாநில அரசு அதிகாரி ஒருவர் தெரிவித்துள்ளார்.
தகுதியுள்ள மற்றும் செயற்கை அவயவங்கள் தேவைப்படும் நபர்களுக்கு முற்றிலும் இலவசமாக 100 செயற்கை அவயவங்களை வழங்கும் திட்டத்தை ஜோஸ் அலுக்காஸ்…
ஆயுத பூஜை மற்றும் தசரா பண்டிகைகளை முன்னிட்டு தொடர் விடுமுறை காரணமாக, சென்னையில் இருந்து தமிழகத்தின் முக்கிய நகரங்களுக்குச் செல்லும்…
மதுரை மன்னர் திருமலை நாயக்கர் கல்லூரியில், தேசிய அறிவியல் மற்றும் தொழில்நுட்பத் துறையின் நிதியுதவியுடன் இலவச தொழில்முனைவோர் பயிற்சி நிகழ்ச்சிகள்…
மதுரை அருள்மிகு மீனாட்சி சுந்தரேசுவரர் திருக்கோயிலில் பல ஆண்டுகளாகப் பின்பற்றப்பட்டு வரும் கட்டணமில்லா தர்ம தரிசன வரிசை முறையை மீண்டும்…
மதுரை மீனாட்சி அம்மன் கோயிலில் நடைபெற்று வரும் நவராத்திரி திருவிழாவின் இரண்டாம் நாளான நேற்று, அர்த்தநாரீஸ்வரர் அலங்காரத்தில் மீனாட்சி அம்மன்…
பிரபல ஐடி நிறுவனமான எச்சிஎல் (HCL) நிறுவனத்தில், பணி அனுபவம் இல்லாத பட்டதாரிகளுக்கான கிராஜுவேட் டிரெய்னி (Graduate Trainee) பணியிடங்களை…