கள்ளழகர் கோயிலில் கொடியேற்றம் ஆடிப் பெருந்திருவிழா தொடக்கம்

மதுரை அருகே உள்ள அழகர் கோயிலில் ஆடிப் பெருந்திருவிழா கொடியேற்றம் வெள்ளிக்கிழமை நடைபெற்றது.

ஆழ்வார்கள் மங்களாசாசனம் செய்த வைணவத் திருத்தலங்களில் ஒன்றாகவும், திருவேங்கட மலைக்கு இணையானதாகவும் போற்றப்படும் கள்ளழகர் கோயில், ஆண்டாள் உட்பட ஆறு ஆழ்வார்களால் பாடப்பட்ட பாசுரங்களால் சிறப்புப் பெறுகிறது. இக்கோயிலின் முக்கியத் திருவிழாக்களில் ஒன்றாக ஆடிப் பெருந்திருவிழா கொண்டாடப்படுகிறது.

இந்நிகழ்வின் தொடக்கமாக, வெள்ளிக்கிழமை காலை 9.30 மணிக்கு கொடியேற்றம் நடைபெற்றது. முன்பாக, கள்ளழகருக்கு சிறப்பு வழிபாடுகள், கொடிமர அபிஷேகம் மற்றும் பூஜைகள் நடைபெற்றன. பின்னர், உத்தஸவர் ஸ்ரீசுந்தரராஜப் பெருமாள், ஸ்ரீதேவி, பூதேவி சமேதராக எழுந்தருள, மங்கள வாத்தியங்களும் வேத மந்திரங்களும் முழங்க, ஐதீக முறையில் கொடியேற்றம் செய்யப்பட்டது.

பின்னர், பக்தர்கள் கோயில் மேல்தளத்தில் கொடிமரத்துக்கு மாலையணிந்து வழிபட்டனர்.

ஆடிப் பெருந்திருவிழா காலத்தில் தினமும் காலை தங்கப் பல்லக்கிலும், மாலை வேளைகளில் பல்வேறு வாகனங்களிலும் சுந்தரராஜப் பெருமாள் வீதியுலா நடைபெறும். விழாவின் முக்கிய நிகழ்ச்சியான தேரோட்டம் வரும் ஆகஸ்ட் 9 ஆம் தேதி நடைபெற உள்ளது.

திருவிழா நிகழ்ச்சி நிரல்: