தமிழக வெற்றிக் கழகத்தின் (தவெக) மாநில அளவிலான இரண்டாவது மாநாடு, மதுரை மாவட்டத்தில் ஆகஸ்ட் 21ஆம் தேதி பிரம்மாண்டமாக நடைபெற இருக்கிறது. இதனை முன்னிட்டு தவெக நிர்வாகி நரேஷ், ‘ஓபன் டாக்’ நிகழ்ச்சியில் முக்கிய உரையாற்றினார்.
நரேஷ் கூறியதாவது:
“மதுரை மக்கள் எப்போதும் எந்த நிகழ்வாக இருந்தாலும் அதை திருவிழாவாகவே கொண்டாடுவார்கள். இப்போது விஜய் தலைமையில் நடக்கும் தவெக மாநாடு என்பது வெறும் அரசியல் நிகழ்வாக அல்ல; அது மக்கள் திரளும் விழா. தமிழகமெங்கிலும் இருந்து வரவிருக்கும் தொண்டர்கள் இதை மகிழ்ச்சியுடன் வரவேற்கின்றனர்.”
“விழுப்புரத்தில் நடந்த கடந்த மாநாட்டை விட இந்த முறை மூன்று மடங்கு பரப்பளவில் மாநாடு நடக்கிறது. இதற்காக 10 லட்சத்துக்கும் அதிகமான தண்ணீர் பாட்டில்கள் தயாராக வைக்கப்பட்டுள்ளன.
வாகன நிறுத்தும் இடம், உணவுப் பகுதி, மருத்துவ வசதி உள்ளிட்டவை தனியாக அமைக்கப்பட்டுள்ளன. பொதுமக்கள் எளிதாக வரச்செய்ய போக்குவரத்து வசதிகளும் பரிசீலிக்கப்படுகின்றன.”
“தவெக மாநாட்டின் தேதி மாற்றப்படுவது அரசியல் உள்நோக்கம் கொண்டதாகத் தெரிகிறது. தவெக மாநாட்டை விநாயகர் சதுர்த்தி காரணமாக தடை செய்வது திட்டமிட்ட முயற்சியாகும்.
ஆனாலும், இந்த தடைகளை கடந்து மாநாடு வெற்றிகரமாக நடைபெறும் என்பது உறுதி.”
“தூய்மைப் பணியாளர்கள் 103 நாட்களுக்கு மேலாக போராடியும், அவர்களை அரசு அலட்சியமாகவே பார்த்தது. அவர்களை கைது செய்த பிறகு தான் முதல்வர் பேசியிருப்பது வருத்தமாக உள்ளது.
தற்போதைய அரசு, இந்த தொழிலாளர்களை வேலைக்காகப் பிச்சை கேட்கும் நிலைக்கு தள்ளியுள்ளது.”
“முதல்வர் ஒரு குழந்தையைப் போல் இருக்கிறார். அவரை நாற்காலியில் அமர வைத்து மற்றவர்கள் அரசியல் நடத்துகிறார்கள்.
மாணவர்களின் எதிர்காலம் கேள்விக்குறியாக உள்ளது. அறிவிக்கப்படும் திட்டங்கள் நடைமுறைப்படுவதில்லை.
சாராயத்தை எதிர்த்த இளைஞர்கள் தாக்கப்பட்டும், சட்டம் ஒழுங்கு சீராக உள்ளதாக அரசு கூறுவது உண்மைக்கு புறம்பானது.”
“மாநாட்டில் நடிகர் விஜய் பேசவிருப்பது மிகப்பெரிய எதிர்பார்ப்பை ஏற்படுத்தியுள்ளது. சமூக நீதி, கல்வி, வேலைவாய்ப்பு, அரசியல் மாற்றம் உள்ளிட்ட முக்கிய விஷயங்கள் குறித்து அவர் பேச வாய்ப்பு உள்ளது.”
திமுக, அதிமுக ஆகிய பாரம்பரிய கட்சிகளால் மக்கள் ஏமாற்றமடைந்துள்ளனர். இந்நிலையில், தவெக மாநாடு புதிய அரசியல் மாற்றத்துக்கான தொடக்கமாகவே பார்க்கப்படுகிறது. இந்த மாநாடு அரசியல் நிலையை மாற்றுமா என்பதை நேரம் மட்டும் தான் சொல்லும்.
மதுரையில் ஆண்டுதோறும் கோலாகலமாக நடைபெறும் உலகப் புகழ்பெற்ற சித்திரை திருவிழா 2026ஆம் ஆண்டு ஏப்ரல் 19ஆம் தேதி கொடியேற்றத்துடன் தொடங்கி…
பெண்களை அதிகமாக பாதிக்கும் கருப்பை வாய் புற்றுநோயைத் தடுக்கும் நோக்கில், 14 வயதிற்கு மேற்பட்ட பெண் குழந்தைகளுக்கான ஹெச்பிவி (HPV)…
தமிழகத்தில் இன்று (மார்ச் 3) பிற்பகல் 3:20 மணி முதல் மாலை 6:47 மணி வரை நிகழவுள்ள 2026 ஆம்…
மதுரை இம்மையிலும் நன்மை தருவார் கோயிலில் மாசிப் பெருந்திருவிழாவை முன்னிட்டு முக்கிய நிகழ்ச்சியான தேரோட்டம் ஞாயிற்றுக்கிழமை காலை நடைபெற்றது. கடந்த…
பிரதமர் நாளை மாலை மதுரையில் தேசிய ஜனநாயக கூட்டணி சார்பில் நடைபெறும் பிரசார பொதுக்கூட்டத்தில் பங்கேற்க இருப்பதை முன்னிட்டு, நகரம்…
காவல் துறை எஸ்.ஐ. தேர்வில் தமிழ்ப் பாடத்தில் இருந்து கேள்விகள் கேட்கப்படாதது தொடர்பாக உயர்நீதிமன்ற மதுரைக் கிளை தேர்வு முடிவுகளை…