திருமலை நாயக்கர் மஹாலில் பாரம்பரியத்தை இலவசமாக அனுபவிக்க நேரம் வந்துவிட்டது!

திருமலை நாயக்கர் மஹாலை இலவச பார்வைக்கு வாய்ப்பு – உலக பாரம்பரிய தினத்தை முன்னிட்டு சிறப்பு ஏற்பாடுகள்!

உலக பாரம்பரிய தினத்தை (World Heritage Day) முன்னிட்டு மதுரையில் உள்ள புகழ்பெற்ற திருமலை நாயக்கர் மஹால், ஏப்ரல் 18 முதல் ஏப்ரல் 24 வரை ஒரு வார காலத்திற்கு பொதுமக்களுக்கு இலவசமாக திறக்கப்படுகிறது.

இந்த சிறப்பு ஏற்பாடு, பாரம்பரியத்தைப் பாதுகாக்கும் முக்கியத்துவத்தை உணர்த்தும் நோக்குடன் நடத்தப்படுகிறது. மேலும், ஏப்ரல் 18 மற்றும் ஏப்ரல் 24 ஆகிய நாட்களில் மரபு சார்ந்த கலை நிகழ்ச்சிகள் மற்றும் பாரம்பரிய பண்பாட்டு நிகழ்வுகள் மக்களுக்காக நடத்தப்பட உள்ளன.

அரசு தொல்லியல் துறை ஏற்பாடு செய்துள்ள இந்த நிகழ்வுகள், பாரம்பரியத்தின் அருமையை அனுபவிக்க சிறந்த வாய்ப்பாகும்.

பாரம்பரியமும், கலாசாரமும் பேசும் மஹாலை இலவசமாக பார்வையிட்டு மகிழுங்கள்!