அதிமுக மற்றும் தேமுதிக இடையிலான உறவு உறுதியானதும் சுமுகமானதும் என்று அதிமுக பொதுச் செயலாளர் எடப்பாடி கே. பழனிசாமி தெரிவித்துள்ளார்.
கோவை விமான நிலையத்தில் ஞாயிற்றுக்கிழமை செய்தியாளர்களிடம் பேசிய அவர், “அதிமுக-தேமுதிக இடையே உள்ள நல்லுறவை யார் நினைத்தாலும் உடைக்க முடியாது” என்றார்.
மதுரையில் நடைபெற்ற திமுக பொதுக்குழு கூட்டத்தில், அதிமுக தமிழகத்திற்கு துரோகம் செய்ததாக தீர்மானம் நிறைவேற்றப்பட்டதைக் குறித்து அவர் பதிலளித்தார். “அதிமுக ஆட்சியில் இருந்த போதும், தற்போது எதிர்க்கட்சியாக இருந்தாலும் மக்களுக்கு எப்போதும் நலன் கருதி செயல்பட்டுள்ளது. ஆனால் திமுகதான் மக்களுக்கு துரோகம் செய்தது” என்றார்.
“முன்னாள் முதல்வர் ஜெயலலிதா தலைமையிலான ஆட்சியிலும், அவரின் மறைவுக்குப் பிறகு எனது ஆட்சியிலும் மக்கள் நலனை குறிவைத்த திட்டங்கள் அமல்படுத்தப்பட்டன. சட்டம் ஒழுங்கு சிறப்பாக இருந்தது. ஆனால் திமுக ஆட்சிக்கு வந்த பிறகு கடந்த நான்காண்டுகளாக தமிழகத்தில் மக்கள் விரோத ஆட்சி நடைபெற்று வருகிறது. தினசரி கொலை, கொள்ளை, பாலியல் வன்கொடுமை, வழிப்பறி போன்ற குற்றங்கள் அதிகரித்துள்ளன. ஸ்டாலின் மாடல் ஆட்சி என்பது ஒரு துரோகம் போன்றது,” எனக் குற்றம் சாட்டினார்.
திமுக பொதுக்குழுவில் கல்விக் கொள்கை பற்றியும் பேசப்பட்டதாகக் கேட்டதாக குறிப்பிட்ட எடப்பாடி பழனிசாமி, “மத்திய அமைச்சரவையில் திமுக 16 ஆண்டுகள் இருந்தபோதும் கல்வியை மாநில பட்டியலுக்கு மாற்றவே இல்லை. ஆட்சி அதிகாரத்தில் இருக்கும்போது மக்களைப் பற்றியும், மாணவர்களைப் பற்றியும் கவலைப்படவில்லை. இப்போது ஆட்சி இல்லாத நிலையில்தான் திட்டமிட்டு பிறர்மீது பழி சுமத்துகிறார்கள். இதுதான் திமுகவின் நடைமுறை” என்றார்.
மதுரையில் ஒரு கால்வாயை திரைச்சீலையால் மூடியிருப்பதைச் சுட்டிக்காட்டிய அவர், “இது அவல ஆட்சிக்கு ஒரு சான்று,” என்றார்.
“அதிமுக மற்றும் தேமுதிக இடையே உள்ள உறவு திடமானது. அதை யாராலும் உடைக்க முடியாது,” என அவர் வலியுறுத்தினார்.
தமிழக வெற்றிக் கழகத்தின் மதுரை மாவட்ட அமைப்பில் நிலவி வருவதாகக் கூறப்படும் உட்கட்சிப் போட்டி தற்போது மீண்டும் கவனம் பெற்றுள்ளது.…
மதுரை அருள்மிகு மீனாட்சி சுந்தரேசுவரர் திருக்கோவிலில் அதிமுக பொதுச்செயலாளரும், முன்னாள் முதலமைச்சருமான எடப்பாடி கே. பழனிசாமி நேற்று (அக்டோபர் 29)…
தமிழ்நாட்டில் மாற்றுத்திறனாளிகள் பொதுப் போக்குவரத்தை எளிதாகப் பயன்படுத்தும் வகையில், அவர்களுக்கான இலவசப் பேருந்துப் பயணத் திட்டம் விரிவாக்கப்பட்டுள்ளதாகத் தெரிவிக்கப்பட்டுள்ளது. இதன்படி,…
மதுரை அரசினர் கூர்நோக்கு இல்லத்தில் செயல்பட்டு வரும் இளைஞர் நீதி குழுமத்தில், உதவியாளர் மற்றும் அமர்வு எழுத்தர், இளநிலை உதவியாளர்…
மதுரை மாநகரின் வணிக மற்றும் பொழுதுபோக்குத் துறையில் புதிய வரவாக, CDR Mall of Madurai பொதுமக்களின் ஷாப்பிங் மற்றும்…
வடகிழக்கு பருவமழையை முன்னிட்டு, மதுரை மாவட்டத்தில் மழைநீர் தேங்குவதைத் தடுக்கும் வகையில் மேற்கொள்ளப்பட்டு வரும் முன்னெச்சரிக்கை நடவடிக்கைகள் மற்றும் நீர்நிலைகள்…